woh thaka howa mairi banoon mein zara soo gaya tu kaya howa

abhi mein daikha hai chand bhi kissi shakh e gul pay jhuka howa

jissay lay gai hai abhi hawa woh waraq tha dil ki kitaab ka

kaheen ansoon say mitta howa kaheen say likha howa

kayee meel rait ko kaat kar koi mouj phool khila gai

koi pair payaas say mar raha hai nadi kay pas khara howa

mujhay hadsoon nay saja saja kay bohat haseen bana diya

maira dil bhi jaisay dulhan ka hath ho mehandiyoon say racha howa

wohi shehar hai wohi rastay wohi ghar aur wohi lawn bhi

magar us darechay say pochna woh darakhat anar ka kaya howa